由無可能到 HK100 金人 ALTRA Run Crew Sammy 的 Chill Run
第一次接觸 25km 山賽，Sammy 都曾經覺得：「嘩，無可能啦。」但跑咗兩年幾之後，Sammy 唔單止完成咗 HK100，仲一 take 過拎到金人。
Sammy 形容自己係一個 Chill Runner。佢表示跑步對佢嚟講唔一定要有完美計劃，亦唔需要每次都嚴肅到好似要上戰場咁；有時係自己一個人嘅 me time，有時係同朋友喺山上 Fun Run。最重要係帶住開心同 chill 嘅心情出發。
雖然 HK100 已經過咗一段時間，但她依然記得一堆蝦碌位，亦記得山上嘅開心同回憶。
大家可以喺下面睇 Sammy 嘅完整訪問內容。
運動至今，在你身上發生的最大的改變是什麼？
2年多d嘅運動時間，係我身上發生的最大改變係由小肚腩變有腹肌😂
平時跑步需要咩裝備？
自己，開心，跑鞋，錶，完。
Anytime 想跑就跑 No plan no map
一顆開心同 chill 的心，就係最好去完成每一次跑步的裝備
🥹 大家成日都話我係駱駝，基本上 10-15km 上一轉筆架山係水都唔洗帶
跑緊步嘅時候，心裏面會諗啲乜嘢嘢？
最好就係可以咩都唔洗諗，可以真正放鬆放空😍😝
睇住藍天白雲綠山大海香港嘅夜景，自己果陣就 me time，同朋友一齊就多一把笑聲，開心自由嘅感覺幫我 recharge
香港跑步聖地、滑雪同玩水
你自己最鍾意喺邊度練習？
不論 OTW 定係 HK100，彎曲山都係必經練習之路。
望住夏天最愛嘅西貢，記住係彎曲山上面嘅啟示：
人生的道路可以曲，就算再曲都可以到達目的地，亦因為咁先會有故事，有回憶，但在道路上要緊記人心絕對唔可以曲
因此成為我最愛的山，亦永遠的紋在我的身上❤️
除咗跑步你仲會玩啲乜嘢運動？
冬天滑雪，夏天玩水
每一星期用幾多小時做運動？
HK100 之後，想試下一啲轉變，而家鐘意玩攀升，由每星期 100k 2500m 攀升加到 100k 5000m 攀升，睇下自己嘅身體係今年嘅賽季係咪可以變得更 chill🤭
一個星期總共有 168 個鐘，根據 Strava 表示我 weekly 有 15hrs 係跑緊步，其實都唔係好多姐🤪🤪
雖然大家成日睇我 story 都覺得我好似住係座山度咁
運動的意義：要型，要認真玩到盡
運動對你嘅意義係咩？
運動對我嘅意義，ermm，要型🖤
要做一啲自己覺得自己未必做到，人地覺得好難做嘅事，要做仲要唔只係做到，係要做好，要玩就要認真玩到盡😍😂
從 25K 到 HK100 金人
第一次接觸 25km 山賽時，你覺得係無可能。但後來係咩令你開始相信自己可以跑到 100K？到完成 HK100後，你覺得自己最大轉變係咩？
抽 HK100 係諗住試下第一個 solo 100K，經過 Transjeju，Translantau 時間都唔錯，咁 HK100 都要型啲先得。
不如試下一 take 過金人，咁就可以唔洗重做，又可以玩其他野，發達
2026 年 1 月 HK100 取得金人，你會點樣形容你嘅心路歷程？對你來說最深刻嘅係咩？
比賽果陣真係跑到懷疑人生，點解我會係度，邊個發明 100k 呢遊戲，但 15 個鐘完又真係好爽。
呢個比賽唔係完美，但係我世界內面係無「後悔」，只有「無悔」，有好多蝦碌野，又遲到，又寄唔到行李，又無時間熱身，又 tapering period 去左滑雪搞到腳痛😂
不過呢過程都係開心 chill 住玩，唔完美 = 有進步空間，yeah✌️
港百一 take 過金人嘅路唔容易，但山上面嘅開心，山上面嘅大家，令我 chill 下 chill 下，run 下 run 下，咁就搞掂左，開心，發達，Chill Runner
ALTRA：第一對鞋、最深刻鞋款、Running Crew
點解開始着 ALTRA 鞋？第一對嘅 ALTRA 係？
TIMP 5 BOA - 第一對 ALTRA，第一次玩 OTW，著足 28 個鐘，同佢相依為命，就此結下了緣份
Olympus 6 Hike GTX - 係非洲最高峰 Kilimanjaro 嘅瘋狂大爆走
ALTRA running crew
ALTRA running crew - 除左活動同 share 跑步比身邊嘅朋友仔之外，仲一班一齊認真做傻事，將辛苦嘅事變得開心享受嘅戰友
下一個比賽，與給新手的說話
2026 年仲籌備緊咩賽事？
做爲一個無定向嘅 Chill Runner，咩都未報。
原本以為完成 HK100 果陣會感動到哭，但好少有d Chill 左，最後笑住跳下跳下咁衝線。
今年先搵一個可以令我完左之後會感動到哭嘅比賽玩😝
對於越野跑新手，你會同佢地講咩？
人嘅可能比你想像嘅大好多好多好多，想做就做，唔試過唔知得唔得，今次未得，下次再 optimize
