山野與綠茵場 —— Run Crew Jacky 的 ALTRA 故事
加入 ALTRA Run Crew 已經幾年嘅 Jacky，除咗跑步仲係一個足球好手。足球場上，Jacky 身份多變，除咗係個十級足球發燒友之外仲係教練、有時仲會做埋球證；但一離開綠茵場，佢就會走入山野，透過跑步同自己傾偈。足球同跑步係兩種好唔同嘅運動，一邊係團隊運動，要同隊友互相配合；另一邊就係獨自一個人嘅修行。Jacky 覺得跑步最特別嘅地方，就係畀到佢一段同自己對話嘅時間，沉澱生活同工作上嘅嘢。有趣嘅係，呢項睇落最孤獨嘅運動反而為佢帶嚟一班志同道合嘅跑友。
![]()
運動至今，在你身上發生的最大的改變是什麼？
其實運動最大比我嘅改變，就係認識咗好多新嘅朋友。以前個人比較內向，通常都係有固定嗰五六個朋友，成日周圍吃喝玩樂就算。認識多咗新嘅朋友，同時喺大家身上學多咗唔同嘅新知識，令到個人生都豐富咗。
踢波同跑步得到嘅滿足感有乜嘢唔同？
踢波同跑步最大分別，就係踢波你要喺一啲好短時間嘅入面分析對手同埋自己球隊嘅整體發揮，從而作出調整，之後再要諗點樣可以執行教練嘅指示，喺自己負責嘅位置嗰度可以點幫到球隊去贏波。
而跑步呢，我反而覺得係多咗一個自己同自己傾偈嘅時間。我好多時好鍾意夜晚自己一個出去跑步，一邊聽歌，一邊諗吓當日發生嘅嘢，review 番點樣可以做得更好。
平時跑步需要咩裝備？
其實好多人都知道我係一個足球發燒友、足球教練，甚至乎係足球裁判員。咁多樣裝備入面，我最着重係對鞋。平時自己落場踢波，少不免會有啲碰撞甚至受傷，所以我都唔容許自己喺跑步訓練或者比賽入面，再有其他增加受傷風險嘅機會。一對俾到我信心去訓練同比賽嘅鞋，係好重要。
👉🏻【延伸閱讀】點解認真跑手要「跑鞋輪換」？
正如 Jacky 咁着重對鞋，要捱過漫長嘅馬拉松訓練期，跑者更應該用「跑鞋輪換」去應付唔同訓練。輪換主要有三個好處：
減低受傷風險 / 配對訓練需要 / 延長鞋壽命
完整跑鞋輪換指南
跑緊步嘅時候，心裏面會諗啲乜嘢？
我跑步嗰陣會一邊聽歌一邊諗番當日發生嘅事，家庭同工作都會 review 一下。
香港跑步聖地是哪裡？
一定係出世住到而家嘅南區。有山有海，可以街跑又可以入運動場跑，運動場又唔會好迫人，weekend 去操下山又方便，隨便一條路都係影相打卡靚景。甚至你想坐船去離島都無問題。
出過咁多次外地、最鍾意喺邊度跑步？
每次去外地我都會喺酒店附近跑步，而我最鍾意係日本。細個睇日本卡通片大，每次去到日本跑步，聽住日文歌，好容易會代入其中，覺得自己身處喺漫畫世界一樣。
而家跑咗咁多年、自己都帶其他跑 group，帶跑 group 對你嚟講，得到啲乜嘢？最大滿足感又係咩？
最大嘅滿足係見到唔同程度嘅跑友都搵到自己嘅目標，享受其中。特別係見佢哋將跑步培養成習慣，身體健康咗，笑容多咗。係推動我去繼續帶大家周圍跑步嘅動力。
當初點解會著 ALTRA 跑鞋？第一對 ALTRA 係？
當年俾朋友拉去毅行替補佢哋受傷嘅隊友。記得當時最長嘅山路經驗，已經係港島徑全走——嗰次港島徑仲要係著咗一對唔適合自己嘅鞋，全程簡直係受難咁。
所以毅行前去試咗唔同牌子嘅鞋，到試完 ALTRA Olympus，就已經決定用佢去挑戰人生第一個 100K。對鞋出嚟效果好好，全程緩震同抓地都有卓越嘅發揮，保護性強，新手都容易適應。
👉🏻 即睇 ALTRA Olympus 6
你擁有過幾多對 ALTRA 鞋？
超過二十對⋯⋯包括山鞋同路鞋。
邊一對 ALTRA 鞋你最鍾意？（比賽 / 山路 / 路跑）
| 場合 | 鞋款 | ALTRA 筆記 |
|---|---|---|
| 比賽 | VANISH CARBON 2 | 超輕量 + 全掌碳板，衝 PB 之選 👉🏻 即睇 VANISH CARBON 2 |
| 山路練習 | TIMP 5 | EGO™ MAX 高緩震 + Vibram® Megagrip，靈敏反應快，上山必備 👉🏻 即睇 TIMP 5 |
| 路跑練習 | FWD VIA 2 | 路跑最大緩震、開箱即跑，新手入門首選 👉🏻 即睇 FWD VIA 2 |
如果有新手啱啱參加你跑團，你會推薦邊一對 ALTRA？
如果路跑一定係 FWD VIA 2，唔洗開鞋已經可以即刻上場，而且係長距離訓練嘅最佳拍擋。
👉🏻ALTRA FWD VIA 2 規格速覽
重量：300.5g（M）/ 246.6g（W）
中底高度：37mm/ 33mm —— 4mm 足跟差
中底：EGO™ P35
用途：公路長距離 / 日常訓練 / 新手入門
👉🏻即睇 FWD VIA 2
如果啱啱開始著 ALTRA 鞋嘅用家，你會畀咩建議？
ALTRA 近年有好幾款鞋都係 4mm drop 嘅設計，當然包括我推介嘅 FWD VIA 2。呢類鞋其實都係一個好好嘅過渡期，俾新用家轉去 zero drop 嘅鞋款。
而我覺得 zero drop 係一個好好嘅設計，可以俾跑手進行一個最有效嘅訓練，培養出一個最好嘅跑姿，讓雙腳嘅肌肉都有均衡嘅發展。
ALTRA 設計哲學
ALTRA 所設計的跑鞋都是致力能夠改善用家跑姿，讓每個穿上ALTRA 跑鞋的人都能夠遠離傷患
- FootShape™ Fit：寬闊鞋頭，畀腳趾自然舒展，提升穩定、舒適同力量
- Zero to Low Drop：0–4mm 平台，貼近自然發力跑姿
下一個目標
2026 年仲有乜嘢賽事你籌備緊？
暫時 2026 係準備緊同個朋友完成佢第一個毅行，同埋準備下一次嘅 HYROX。