跑鞋評測 Altra FWD Experience - 蝦嫂分享： 越跑越順

 Altra 香港最近推出了品牌首對4mm足跟差跑鞋， FWD Experience，今次找來跑步女將蝦嫂Stephanie 跟大家分享着後感。以下內容經小編整理及節錄。

-------------------------------------------------------------------------

跑鞋技術日新月異 反思跑步初衷

科技發展令跑鞋更輕更回彈（個底亦越來越厚，我又越嚟越高🤣），幫助精英跑者創佳績、也輔助大眾跑者輕鬆奔跑。

但諗諗吓，跑步本質其實係通過運動讓人更強壯更健康，而非速度；所以一味靠裝備協助，其實有少少違背了跑步的初衷。

盲目追求速度反易招傷患 應根據課表挑選跑鞋

我咁講好似太過嚴重，應該話我都好鍾意著碳板鞋嘅感覺，又輕又靚又快，但係唔係日日都著佢呢？ 台灣跑友成日都話呢啲鞋「很兇」，真係，當跑者技術、速度、肌力未能配合呢種鞋、或者著太多，可能會引起傷患（我試過好多次啦），所以根據課表/比賽去揀鞋真係好重要。

Altra尊崇自然法則 回歸人類跑步本能

Altra呢個品牌嘅設計理念就係尊崇自然法則，讓跑步回歸人類本能，佢兩大特色：零落差（zero drop) 與寬鞋頭平衡緩衝 Balanced cushioning™，近年都越來越多人知道。Zero drop路跑鞋要求跑手跑步時多抬腿，否則小腿更累，但可能對普遍跑手比較困難，我有時狀態差會覺得特別累。

全新AltraFWD Experience  越跑越順

今次有啲唔同喇！全新AltraFWD Experience，首先，個款係咪好睇好多？仲有呢啲特色：

♥️ 4mm的足跟差，「易入口」好多！
♥️ 仍然係寬敞鞋櫳、鞋頭，令腳趾自然展開

我著過佢行山（真係步行）試吓感覺，今朝再著佢跑easy，感覺都好ok，佢好在輕同埋緩衝很好，有少少彈，加上寬鞋頭令我疲累+腫腫地嘅腳有足夠空間。其實琴日跑完速度課，今朝都有啲攰，（本來都掙扎試唔試新鞋，唔想小腿攰）點知越跑越順，跑到唔想停。

Sor 又係長文，總之呢對係適合easy run、初跑者、leisure runners!

利申：碳板鞋我都會著，但有限度啊！

原文轉載自IG：連結