跑鞋評測 Altra Torin 6 - Red Team 成員 Jack ： 反應爽快有利步頻跑手

 除左山跑，我平日鍾意跑街睇夕陽，特別鍾意跑上山，呢半年我著住對薄底跑鞋跑去大帽山，太平山，飛鵝山。

結果前排右腳板痛，中醫師話我腳板過勞，鞋舖老細話我果款輕薄路跑鞋無結構性保護。

Altra 呢個月有對全新 Torin 6，我著住去深水埗運動場，九龍灣跑街，上飛鵝山道，華景山莊。結論：Totin 6 既適合香港不同路面，又可提供保護性練上落斜。

首先中底採用自家 EGO™ MAX中底，即係 Mont Blanc 一樣。不過著落感覺不同，Mont Blanc 定位係長途越野跑鞋，加上 30mm 鞋底, 中底會有豐盈回彈性；

Torin 6 係28mm 厚路跑鞋，中底適中回彈性，給你穩定支撐，回饋你實在路感。
另外當健身鞋時，做下肢力量訓練時，腳板更穩，唔會有踩屎感。

穿著時間更長，更有回彈

剛穿著時，感覺 Torin 6 不是太有回彈，但當開鞋約5K後，開始感覺到鞋底有回彈。有晚從葵涌運動場上華景山莊，大部份時間都上坡，每當前掌落地，就感覺到回彈，唔係碳板既強烈，但係實在爽快既回彈，讓你步頻容易變得更密。反而著過好軟cushion 既中底上山，舒服但好費力。

深水埗運動場走一回 5K Tempo, 穩定的中底讓你保持均速，最後200米， 加速加密步頻令時間至4:30，前掌感覺到回彈爽快。因此覺得 Torin 6  對步頻型跑手更有利。

至於Zero Drop 零落差/ Balanced Cushioning 中底，我習慣了，只要提醒自己跑步時保持提腿，中掌落地。

鞋籠貼腳唔走位
我既前掌比較濶，著過其他牌子路跑鞋，前掌設計比較修長，令我感覺到尾趾好逼，甚至網面見到突趾。

寬楦頭係Altra 另一個強項，Torin 6 路跑鞋會採用STANDARD FOOTSHAPE™ FIT 適合前掌比較濶，加上前掌彈性針織網布，和包裹式腳跟鞋領，令我跑步時感覺舒服貼腳，而腳掌不會出現內旋或移位。

後踭穩定性高

後踭鞋領高度跟新一代 Olympus 5.0 一樣都升高，貼住阿基里斯腱，加上腳眼兩側cushion亦加厚，感覺既提升包裏性保護性，又減少跑步時腳踭移動或甩踭。

波浪坑紋增抓地力

見市面部分路跑鞋鞋底都幾光滑。Torin 6鞋底特有波浪型防滑坑紋，增加抓地力。而且 InnerFlex™鞋底可以將鞋底完全彎曲，保持抓地靈活性。

有晚上飛鵝山道，遇上一場過雲雨，路面變得濕滑，著住 Torin 6 上落斜我都唔使特別就住。

加上US 11 只有 266g （自己用電子磅計) ，讓你減少負擔。

我對玻璃腳一直 no complaints ，終於我有一對適合平路，上落斜日常訓練跑鞋。

(以上全由個人穿著得出感受，本人有扁平足，76kg 體重)

以上內容轉載自IG@ssssssjack，已得到 Jack 授權使用

更多資料：https://altrarunning.hk/collections/torin-6